Haqeeqat Hai Yaqeen Ker Lo, Main Us Ko Bhool Ker Khush Hoon
Mohabbat Mar Chuki Ab To, Main Us Ko Bhool Ker Khush Hoon
Badalti Rut Ke Baa'Is Tabiyat Kuch Muzmahil Si Hai
Yuun Mera Haal Mat Poocho, Main Us Ko Bhool Ker Khush Hoon
Mere LehJaye Pe Mat Chounko, Meri Aankhon Mein Mat Jahanko
Yuun Hairat Se Nahin Dekho, Main Us Ko Bhool Ker Khush Hoon
Tumhein Kya Vehem Hai, Kyon Raat Bher Milnay Nahin Aatein
Aye Meri Neend Ki Paryon, Main Us Ko Bhool Ker Khush Hoon
Bhala Roz Kyun Baahein Waa Kiye Milnay Ko Aati Hai
Tum Us Ki Yaad Se Keh Do, Main Us Ko Bhool Ker Khush Hoon
Udaasi Saray Gher Mein Phailti Jati Hai Gham Bun Ker
Dar-O-Deewar Per Likh Do, Main Us Ko Bhool Ker Khush Hoon.
Save energy by turning off lights. You wouldn't like if someone turned you on and left.