[!«╬Ĵamil Malik╬«!]

Dil mein ab yun tere bhuule huye Gam aate hain
Jaise bichhare huye kaabe mein sanam aate hain


Ik ik kar ke huye jaate hain taare raushan
Merii manzil kii taraf tere qadam aate hain


Raqs-e-may tez karo saaz kii lay tez karo
Suu-e-maiKhaanaa safiiraan-e-haram aate hain


Kuchh hamin ko nahin ehasaan uThaane kaa dimaag
Vo to jab aate hain maail-ba-karam aate hain


Aur kuchh der na guzare shab-e-furqat se kaho
Dil bhii kam dukhataa hai vo yaad bhii kam aate hain