*. . .Anjam-E-Ishq Gardish-E-Haalat Daikh Le
Aankho'n Se Meri Hasrat-E-Nakam Daikh Le
Tujh Ko Kisi Maqam Pe Ruswa Nahi Kiya
Sir Pe Liya Hai Main Ne Hi Ilzaam Daikh Le
Meri Mohabbato'n Ka Tujhe Gar Yaqeen Nahi
Yado'n Ke Jugnuo'n Ko Sar-E-Sham Daikh Le
Tere Liye Main Moat Ke Moonh Mein Pohanch Gaya
Aa Mere Intezar Ka Anjam Daikh Le
Tere Baghair Shehar Hi Sara Ujar Gaya
Soony Pary Hue Hain Dar-O-Baam Daikh Le
Dil Ke Warq Warq Py Bary Ehtemam Se
Ashko'n Se Likh Dia Hai Tera Naam Daikh Le
Youn To Hai Sara Shehar Teri Zulf Ka Aseer.,
Danish Hai Tere Ishq Mein Badnaam Daikh Le. . .*