Kitnay bay-nishaa'n che'hray ...
Aeynay ki hiddat say ...
Yoo'n pighaltay jaatay hai'n ...
Jaisay sab k sab che'hray ...
Barf k qabeelay ki ...
Aakhri nishaani hai'n ...
Barf-zaad faani hai'n ...
Aik aisay che'hray ka ...
Intaizaar kab say hay ...
Jo khala k ruzan say ...
Barf k shigaafo'n say ...
Sang-e-justujoo ban ker ...
Harf-e-aarzu ban ker ...
Shaula-e-namu ban ker ...
Aashkaar ho jaaey ...
Jis ki aatishee'n lau say ...
Aeyna pighal jaaey ... !!