|
Aesa nahi k ham ko Muhabat nahi mili
han jesi chahty thy wo Qurbat nahi mili
Milny ko zindagi main kai hamsafar mily
lakin tabiyaton se tabiyat nahi mili
Chehron k her hajoom main ham dhondty rahy
Sorat nahi mili kahin seerat nahi mili
wo yak bayak mila to bohat der tak hamen
alfaz dhondny ki bhi muhlat nahi mili
os ko gila raha k twajja na di osy
lakin hamen khud apni rifaqat nahi mili
her shaks zindagi main bohat der se mila
koi bhi cheez hasb-e-zarorat nahi mili
|