کسی میں یوں ہی ذوق ِشاعرانہ ڈھونڈ لیتے ہیں
چلو مل بیٹھنے کا بہانہ ڈھونڈ لیتے ہیں
سُنا ہے اِن دِنوں اُسکو تصوّف سے ہے دلچسپی
تو اچّھا ہے، کلام ِعارفانہ ڈھونڈ لیتے ہیں
حقائق تلخ ہوتے ہیں یہ اِک زندہ حقیقت ہے
کوئی میٹھا، رسیلا سا فسانہ ڈھونڈ لیتے ہیں
اِنہیں شِکوہ ہے شام ِگلستاں میں سیر کے دوراں
اندھیرے میں بھی کچھ پتّھر نشانہ ڈھونڈ لیتے ہیں
یہ دو دن زندگی کے کٹ تو جائیں گے مسرّت میں
چلو ہم بھی کوئی سپنا سُہانا ڈھونڈ لیتے ہیں
کسی کے ساتھ تو چلنا ہے آخر دربدر ہو کر
کوئی اپنی طرح کا بے ٹھکانہ ڈھونڈ لیتے ہیں