[CaReLeSs]

وہ دن بھی آ ہی جائے گا

وہ دن بھی آ ہی جائے گا
کہ میرے دل کی مٹھی میں کوئی سچی خوشی ہوگی
کہ میرے کانپتے ہونٹوں پہ سچ مچ کی ہنسی ہوگی
نہ چہرے پر کوئی الجھن ،
نہ آنکھوں میں نمی ہو گی
وہ دن بھی آ ہی جائے گا
چھڑا کر ضبط کا دامن، چمکتے ہیں جو آنکھوں میں،
چھلکتے ہیں جوپلکوں سے ، وہ آنسو بیت جایئں گے
یقیں رکھو ، میرے ہمدم، وہ دن بھی آ ہی جائے گا،
دلوں کے حوصلے، اک دن، غموں سے جیت جایئں گے
وہ دن بھی آ ہی جائے گا
زمانے نے مجھے اب تک رکھاہے اجنبی جس سے،
سمے کے بہتے دھارے سے ، خوشی کے پل وہ لے لوں گا
زمانوں بعد جھولی میں، ستارے میں سجاؤں گا
بہت دن بعد اپنے سپنوں کی دنیا میں کھیلوں گا
وہ دن بھی آہی جائے گا کہ سپنوں کی حسیں دنیا،
میری نس نس، میری رگ رگ، میرے انگ انگ میں اترے گی
فقط اک التجا یاروں، کہ اِس ہونی کو ہونے دو،
فقط اک بار مجھ کو موت کے دامن میں سونے دو
بھلا کر زندگی کے غم،
دیوانہ مسکرائے گا
وہ دن بھی آہی جائے گا

 

---

I'M Not Really A BaD InfLuence
But IN YouR CasE I'LL MaKe n EXCETION