[Eraj]

Roye hain bohat tab zara qaraar mila hai
Is jahan mein kise bhala sacha pyaar mila hai

Guzar rahi hai zindagi imtehan ke daur se
Ek khatam hua toh dusra tayar mila hai

Mere damaan ko khushiyo ka nahi malaal
Gham ka khazana jo isko beshumar mila hai

Woh kamnasib hai jinhe mehboob mil gaya
Mein khushnasib hoon mujhe intezar mila hai

Gham nahi mujhe ke dushman hua yeh zamana
Jab dost hathoon mein liye talwar mila hai

Itna hosla Khuda ne tum ko bhala kaise de diya
Mujhe tou uske dar se sirf inkaar hi mila hai...