[Miss Habib]

Kahin ishq ki dekhi ibtida,
Kahin ishq ki dekhi intiha,
Kahin ishq sooli pe charh gaya
Kahin ishq ka naize per sir gaya
Kahin ishq sajde mein gir gaya
Kahin ishq sajde se phir gaya
Kahin ishq Dars-e-Wafa bana
Kahin ishq Husn-e-Ada bana
Kahin ishq ne saanp pe daswa dia
Kahin ishq ne namaz ko qaza kia
Kahin ishq Saif-e-Khuda bana
Kahin ishq Sher-e-Khuda bana
Kahin ishq toor pe deedar he
Kahin ishq zibah ko tayar he
Kahin ishq ne behka dia
Kahin ishq ne Shah-e-Misr bana dia
Kahin ishq ankhon ka Noor he
Kahin ishq Koh-e-Toor he
Kahin ishq tu hi tu hua
Kahin ishq Allah Hooo hua