[Owi]

Meri is kaavish ko saraahanay k liye bay-had shukriya mahi
Well on Your Request Mahi

-:||:- Sir Hi Ab Phoriye Nidaamat Mein -:||:-

Sir hi ab phoriye nidaamat mein
Neend aanay lagi hai wehshat mein

Hein daleelein teray khilaaf mager
Sochta hoon teri himaayat mein

Rooh nay ishq ka faraib diya
Jism ko jism ki adaawat mein

Ab faqat aadaton ki werzish hai
Rooh shaamil nahi shikaayat mein

Ishq ko dermiyaan na laao k main
Cheekhta hoon badan ki usrat mein

Ye kuch aasaan to nahi hai k hum
Rooth-tay ab bhi hein murawwat mein

Wo jo taameer honay waali thi
Lag gai aag us emaarat mein

Apnay hujray ka kya bayaan k yahaan
Khoon thooka gaya sharaarat mein

Wo khala hai k sochta hoon mein
Us say kya guftugoo ho khilwat mein

Zindagi kis terhan basar hogi
Dil nahi lag raha mohabbat mein.

 

---

•||•––––•||•––•Owi•––•||•––––•||•

---

Last edited by Owi; 07-08-2011 at 07:23 PM..