[Owi]

-:||:- Wafa Say Raabta Rakhna -:||:-

-:||:- Tum Say Pehlay Bhi Mohabbat To Mujhay Thi Laykin -:||:-


Tum say pehlay bhi mohabbat to mujhay thi laykin
Aisi mun-zor na thi
Jo meri rooh mein tehleel hui jaati hai
Dorti hai jo meray jism mein lahoo ban ker
Din-ba-din cheen rahi hai jo mujhay khud mujh say
Din-ba-din sonp rahi hai jo mujhay bas tum ko
Dekhnay dayti nahi or kisi simt mujhay
Sochnay dayti nahi or koi baat mujhay
Dherkanein aik hi tasbeeh kiye jaati hein
Dil ki haalat ye meri jaan kisi tour na thi
Tum say pehlay bhi mohabbat to mujhay thi laykin
Aisi mun-zor na thi … !

 

---

•||•––––•||•––•Owi•––•||•––––•||•