[ShArArTi MuNdA]

Mainey Har Aan Khayalon Ki Musafat Ki Hai
Apney Khuwabon Mein Bhi Tujh Say Hi Mohabbat Ki Hai

Mujh Ko Har Baar Naya Zakham Diya Hai Iss Ne
Iss Ne Iss Tor Say Kuch Mairi Ayadat Ki Hai

Mairi Be-khuwab Sii Raatein Bhi Gawahi Dein Gi
Tujh Ko Paaney Ke Liye Kitni Riyazat Ki Hai

Mujh Ko Manzoor Kisi Ki Bhi Dil-aazaari Na Thi
Bas Bayaan Mainey To Dil Ki Ye Hikayat Ki Hai

Jaaney Kaisey Woh Mairey Dil Ka Nagar Chorr Gaya
Jiss Ne Barson Mairi Yaadon Pay Hakoomat Ki Hai !!!