Tere hote hue mahafil By Ahmed Faraz
 

on May 1, 2011 in Ahmed Faraz, Poets and Poetry Leave a comment

tere hote hue mahafil me.n jalaate hai.n chiraaG
log kyaa saadaa hai.n suuraj ko dikhaate hai.n chiraaG

apanii maharuumiyo.n pe sharmindaa hai.n
Khud nahii.n rakhate to auro.n ke bujhaate hai.n chiraaG

bastiyaa.N chaa.Nd sitaaro.n pe basaane vaale
kurraa-e-arz bujhaate jaate hai.n chiraaG

kyaa Khabar hai un ko ke daaman bhii bha.Dak uThate hai.n
jo zamaane kii havaao.n se bachaate hai.n chiraaG

aisii taariikiiyaa.N aa.Nkho.n me.n basii hai.n ‘Faraz’
raat to raat ham din ko jalaate hai.n chiraaG

Re: Tere hote hue mahafil By Ahmed Faraz
 

Nice....

Re: Tere hote hue mahafil By Ahmed Faraz
 

V Nicd.

Re: Tere hote hue mahafil By Ahmed Faraz
 

Buhat umda