MeraForum Community.No 1 Pakistani Forum Community

Hawis aur Muhabbat.......!!

Kaha maine janan,
Yeh sub kuch baja hai,
Hamaray taluq ke her rastay mein
BadaN sung-e-manzil ki surat kharra hai!!

Hawis aur Muhabbat ka lehja hai yaksaan,
Ke dono taraf sae badan bolta hai,
Bazahir zaman-o-Makan kay safar mein
Badan Ibtida hai, Badan Intiha hai!
Mager iskay hotay��. sabhi kuch ke hotay,
Kahein beech mein woh jo ek fasla hai,

Woh Kia Hai???

Meri Jaan, daikhoo
Yeh Mohoom sa fasla he hakeekat mein
Sari kahani ka asli sira hai
Badan ki hakeekat, muhabbat kay kisay ka sirf ek hissa hai,
aur is say agay

Muhabbat mein jo kuch hai usko samajna
Badan kay tasawur say he ma'wara hai
Yeh ek kayfiyat hai
Jisay naam daina tu mumkin nahi
Samajhnay ki khatir
bus itna samajh lo

Zameen Zadgaan kay mukaddar ka jub faisla ho gaya
Tu apnay tahafuz, tashakhus ki khatir,
Her ek zaat ko ek tala milla tha
Wu makhsoos ta'la, jo ek khas number pay khulta hai lakin
Kisi aur number say milta nahi hai
Mujhay aur tujhay bhee yeh ta'lay milay thay

Mager farq itna hai kay dono kay khulnay kay number wohe hain,
aur in numberoon pay hamaray siwa
teesra koi bhee quf'l khulta nahi
teri aur meri baat kay dermiyan
Bus yahi farq hai

Hawis aur Muhabbat mein aye jan-e-jaan

Bus yahi farq hai.....!!