MeraForum Community.No 1 Pakistani Forum Community - Phir kisi yad nay jagaya mujhko

Phir kisi yad nay shab bhar hay jagaya mujh ko
Kiya saza di hay mohabat nay khudaya mujh ko

Dinn ko aaram hay naa raat ko hay chain kabhi
Janay kis khaak say qudrat nay banaya mujh ko

Dukh to ye hay ke zamanay main mile ghair sabhi
Jo milaa hay woh milaa ban kay paraaya mujh ko

Jab koi bhi naa rahaa kaandha meray roonay ko
Ghar ki deewaron ne seenay say lagaya mujh ko

Youn to umeed-e-wafaa tum say nahein hay koi
Phir charaaghon ki tarah kis nay jalaaya mujh ko

Bewafaa zindagi nay jab chorh diyaa hay tanha
Maut ne payar say pehloo main bithaya mujh ko

Woh diya hoon jo mohabat nay jalaya tha kabhi
Gham ki andhi nay sar-e-sham bujhaya mujh ko.....