MeraForum Community.No 1 Pakistani Forum Community

Chale jo ho to bata k jao.

K kitni shamen udas ankhon min katni hen.

Bata k jao k kitne suraj, azab raston ko dekhna he.

K kitne mehtab udas raton ki was’aton se niklne hen.

Bata k jao, k chaand raton min waqt kese guzarna he.

Khamosh lamhon min tujh ko kitna pukarna he.

Bata k jao, k kitne lamhe shumar karne hen ujar raton k.

K kitne mosam aik aik kar k judaiyon min guzarnay hen.

Bata k jao agar panchiyon ne akele pan ka sabab pucha.

To kya kahon gi?

Bata k jao min kis se tera gila karon gi?

Bichar k tujh se kis se mila karon gi?

Bata k jao ankh barsi to kon moti chuna kare ga?

Udas lamhon min dil ki dharkan suna kare ga?

Bata k jao k kis pe he aitbar karna.

Or kis ki baton pe be-niyazi ka silsila ikhtiyar he karna?

Bata k jao, k ab ravvayon ki chaal kesi ho?

Jawab kya ho, sawal kya ho?

Arooj kya ho, zawaal kya ho?

Nigah, rukhsar, zulf, chehra, nidhal kesa ho?

Bata k jao, k meri halat pe chandni khil-khila pari to?

Min kya karon gi.

Bata k jao, k meri surat pe teergi muskura pari to?

Min kya karon gi?

Bata k jao , k tum ko kitna pukarna he.

Bichar k tujh se ye waqt kese guzarna he?

Ujarna he, nikharna he?

Chale jo ho to bata k jao.

Loutna bhi he ya…..??????