jo ho sakaa na judaa mujh se door jaa kar bhii
 

jo ho sakaa na judaa mujh se door jaa kar bhii
maiN mutma'in hooN use haath se gaNvaa kar bhii

agarche vajah-e-aziiyat haiN uskii yaadeN bhii
milaa hai chain magar kab use bhulaa kar bhii

ugaa diyaa hai to kar sabz pairahan bhii ataa
maiN yooN to raazii hooN baNjar zamiin paakar bhii

jo saNg lagtaa thaa niklaa vo ru'ii kaa gaalaa
maiN muNtashir na huaa uskii chouT khaa kar bhii

bujhaaye bujh nahiiN saktii badan kii aag kabhii
ki ab to dekh liyaa KhwaahisheN dabaa kar bhii

vah chashm-e-tar thii ki kaarooN ka Khazaana bhii
rahii bharii-ki-bharii sad-guhar luTaa kar bhii

haiN aaj dafn kitaaboN meN uskii tasviireN
jo ''cornice'' pe rakhii thiiN kabhii sajaa kar bhii

zamiir kii jo adaalat meN aagaye ''Khalid''
vo surKharoo na huaa Khoon meN nahaa kar bhii

Anvar Mahmood ''Khalid''

Re: jo ho sakaa na judaa mujh se door jaa kar bhii
 

Nice..

Re: jo ho sakaa na judaa mujh se door jaa kar bhii
 

buhat khoob..

Re: jo ho sakaa na judaa mujh se door jaa kar bhii
 

V Nice...

Re: jo ho sakaa na judaa mujh se door jaa kar bhii
 

aap sabka bht bht shukria bht khush rehiye A meen

Re: jo ho sakaa na judaa mujh se door jaa kar bhii
 

zuberdust

Re: jo ho sakaa na judaa mujh se door jaa kar bhii
 

bohat khoob

Re: jo ho sakaa na judaa mujh se door jaa kar bhii
 

Thnks for nyc comments

Re: jo ho sakaa na judaa mujh se door jaa kar bhii
 

Re: jo ho sakaa na judaa mujh se door jaa kar bhii
 

bht zada shukria keep visiting