MeraForum Community.No 1 Pakistani Forum Community - Sham Ke Baad...................

MeraForum Community.No 1 Pakistani Forum Community (http://www.MeraForum.Com/index.php)

- Ghamgheen/Sad shayari (http://www.MeraForum.Com/forumdisplay.php?f=124)

- - Sham Ke Baad................... (http://www.MeraForum.Com/showthread.php?t=89223)

Sham Ke Baad...................

Aankh Ban Jati Hai Sawan Ki Ghata Sham Ke Baad
Laut Jaata Hai Agar Koi Khafa Sham Ke Baad

Wo Jo Tal Jati Rahi Sar Se Bala Sham Ke Baad
Koi To Tha Ke Jo Deta Tha Dua Sham Ke Baad

Aanhen Bharti Hai Shab-E-Hijr Yateemon Ki Tarah
Sard Ho Jaati Hai Har Roz Hawa Sham Ke Baad

Sham Tak Qaid Raha Karte Hain Dil Ke Andar
Dard Ho Jate Hain Saare Hi Rehaa Sham Ke Baad

Log Thak Haar Ke So Jate Hain Lekin Janaa
Hum Ne Khush Ho Ke Tera Dard Saha Sham Ke Baad

Chand Jab Ro Ke Sitaaron Se Galay Milta Hai
Ik Ajab Rang Ki Hoti Hai Fizaa Sham Ke Baad

Hum Ne Tanhaai Se Pucha Ke Milo Gi Kab Tak
Us Ne Be-Chaini Se Foran Hi Kaha Sham Ke Baad

Tum Gaye Ho To Siyah Rang Ke Kapre Pehne
Phirti Rehti Hai Mere Ghar Mai Qaza Sham Ke Baad

Maar Deta Hai Ujarr Jaane Ka Dohra Ehsaas
Kash Ho Koi Kisi Se Na Judaa Sham Ke Baad.

Re: Sham Ke Baad...................

thankshooooo.com/ minika horzard

Re: Sham Ke Baad...................

Quote:

Originally Posted by Nursery Fail (Post 1616513)

thankshooooo.com/ minika horzard

my pleasure

Re: Sham Ke Baad...................