MeraForum Community.No 1 Pakistani Forum Community - وہ خواب میرے آدھے ادھورے

تم جب آؤ گی
مجھے ویسا ہی پاؤ گی
وہ خواب میرے
آدھے ادھورے
وہی اداسی دل کی
سانجھ سویرے
وہی چیزیں ہوں گی میری
کچھ سوکھے پھول بھی
ہوں گے کتابوں میں
کچھ کاغذ جن پہ
بے ربط تحریریں ہوں گی
جو خواب دیکھے تھے
تم نے، میں نے
ان کی بے نام سی
تعبیریں ہوں گی
اُسی انداز میں بکھری ہوں گی
کوٹ کالر ٹائی اور فائلیں
ہار جھمکے چوڑیاں پائیلیں
سب کچھ ہو گا
تم ہو گی
میری دنیا ہو گی
بس اک چیز کی کمی ہو گی
اُس وقت میں خود تھا
اب صرف میری یاد ہو گی

( محمد بلال اعظم)