MeraForum Community.No 1 Pakistani Forum Community

میں نے کب یہ سوچاتھا
زندگی کی راہوں سے فاصلے بڑے ہونگے
تجھ سے ملنا چاہوں تو
آج میری راہوں میں
راستے کھڑے ہونگے
میں نے کب یہ سوچا تھا
تیرے سائے سے باہر
دھوپ میں جلن ہوگی
ریت میں چھبن ہوگی
درد بھی کڑے ہونگے
میں نے کب یہ سوچا تھا
میرے چاہنے والے دور بس رہے ہونگے
اور میں فقط اپنے
ہاتھ کی لکیروں کو یونہی تک رہا ہونگا
میرے چاہنے والے
مجھ پر ہنس رہے ہونگے
میں نے کب یہ سوچا تھا
زندگی کے دھوکے میں عمر جب بتا دونگا
خود کو جب مٹا دونگا
ہجر یہ صدا دےگا
بے بسی کی سانسوں میں
زندگی نہیں رہتی
وقت کے سمندر سے لاکھ خواہشیں چن لو
بے بسی کی مٹھی میں ریت بھی نہیں رہتی
آج میں نے سوچا ہے
آج میں نے جاناہے
میں نے کب یہ سوچا تھا
زندگی کی راہوں سے فاصلے بڑے ہونگے
تجھ سے ملنا چاہوں تو
آج میری راہوں میں
!راستے کھڑے ہونگے۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔
محمد معین الدین