MeraForum Community.No 1 Pakistani Forum Community

تمہارے بعد اس دل کا کھنڈر اچھا نہیں لگتا

جہاں رونق نہیں ہوتی وہ گھر اچھا نہیں لگتا

نیا اک ہم سفر چاہوں تو آسانی سے مل جائے

مگر مجھ کو یہ اندازِ سفر اچھا نہیں لگتا

کھلی چھت پر بھی جاکر چاند سے کچھ گفتگو کر لو

غزل کہنا پسِ دیوار و در اچھا نہیں لگتا

مسلسل گفتگو بھی اپنی وحشت کو بڑھاتی ہے

مسلسل چپ بھی کوئی ہسفر اچھا نہیں لگتا

مصور، پینٹنگ اچھی ہے لیکن کیا کہا جائے

شجر ہم کو تو بے برگ و ثمر اچھا نہیں لگتا

خدو خال و قدو قامت بظاہر پہلے جیسے ہیں

وہ جیسا پہلے تھا اب اس قدر اچھا نہیں لگتا