Hawas-zadon ko ghum-e-aashiqi qubool nahi
Ajeeb log hein jin ko khushi qubool nahi

Hansay gi or meray ujray ghar pay ye duniyaa
Bujhaa do shammein, mujhay roshni qubool nahi

Salaah terk-e-ta'alluq bajaa mager naaseh
Khataa muaaf, mujhay khud-kushi qubool nahi

Na pooch kash-ma-kash-e-jaber-o-ikhtiyaar, a dost
Main jee raha hoon mager, zindagi qubool nahi

Hanso gay jab to samhaj lo gay khud hi naadaanon
Main kya bataaoon mujhay kiun hansi qubool nahi

Karam wo mujh pay kiye meray doston nay .....
Main keh utthaa k mujhay dosti qubool nahi !