Kabhi jo main nay musarrat ka ehtaymaam kiya
Baray tapaak say ghum nay mujhay salaam kiya

Hazaar terk-e-ta'alluq ka ehtaymaam kiya
Mager jahaan wo milay dil nay apna kaam kiya

Zamaanay waalon k darr say utthaa na haath mager
Nazer say us nay ba-sad muaazrat salaam kiya

Kabhi hansay, kabhi aahein bhareen, kabhi roye
Ba-qadar-e-mertabaa her ghum ka ehtayraam kiya

Tulooo-e-meher say bhi ghar ki teergi na ghati
Ik or shab kati ya main nay din tamaam kiya

Dua ye hai na hon gumraah humsafer meray
..... main nay to apna safer tamaam kiya !