Iltayfaat-e-musalsal balaa ho gaya
Khud main ghabraa k un say khafaa ho gaya

Baad terk-e-ta'alluq ye kya ho gaya
Rabt pehlay say bhi kuch siwaa ho gaya

Ghum nay is terhan gin gin k badlay liye
Muskuraana bhi ik haadsaa ho gaya

Dil ko terk-e-mohabbat pay kya kya hai naaz
Laykin un ka ager saamnaa ho gaya

Zindagi ka ye aalam hai teray baghair
Shaakh say phool goya judaa ho gaya

Dil kuch is terhan dherka teri yaad mein
Main ye samjha tera saamnaa ho gaya

Ishq mein jaan bhi day di main nay .....
Aaj haq zindagi ka adaa ho gaya !