MOLA ye tamanna hai k jab jaan say jaaoon
Jis shaan say aaya hoon us hi shaan say jaaoon

Bachon ki terhan pair ki shaakhon say main koodoon
Chiryon ki terhan urr k main khaliyaan say jaaoon

Her lafz meheknay lagay likha hua mera
Main lipta hua yaadon k lubhaan say jaaoon

Mujh mein koi weeraana bhi aabaad hai shaayad
Saanson nay bhi poocha hai bayaabaan say jaaoon

Zinda mujhay dekhay gi to zeest cheekh utthay gi
Kya zakham liye seenay pay maydaan say jaaoon

Kya sookhay huway phool ki qismat ka bharosa
Maaloom nahi kab teray guldaan say jaaoon !