بے ربط سی تحریر عبارت نہیں ہوتی
ہاتھوں کی لکیروں میں تو قسمت نہیں ہوتی

سجدے میں دکھاوا ہو تو سجدہ نہیں ہوتا
گردن کے جھکانے سے عبادت نہیں ہوتی

وہ شخص محبت سے ہمیشہ رہا محروم
اوروں کیلئے جس میں محبت نہیں ہوتی

شہکارکی تکمیل میں شامل نہٰں جو فکر
تصویر تو بن جاتی ہیں مورت نیہیں ہوتی

چہرے کا سنگھاراس کے کبھی کام نہ آیا
سیرت کے بنا کوئی بھی صورت نہیں ہوتی

وہ دل نہیں پتھر کا ہے بے جان سا ٹکڑا
جس دل کو گناہوں پہ بھی خفت نہیں ہوتی

نکلو تو زبیر خول سے تم اپنی انا کے
اس حبس میں تم کو کبھی وحشت نہیں ہوتی؟