Suno !
Tum meray dil ki mumlikat ban ker
Meri jaageer ban jaao
Main jab chaahoon tumhein perh loon
Meri palkon pay likhi surmageen tehreer ban jaao
Suno ! Meri duaaon mein raho shaamil
Raho lab per hamayshah
Or dua-e-awwaleen ban ker
Kitaab-e-charkh-e-aazam per likhi
Taqdeer ban jaao
Guzaarish hai meray her ik suhaanay khuwaab ki
Taabeer ban jaao
Meray hurf-o-bayaan ko aagahi say aashna ker do
Meri aankhon k her manzer ko abar-e-na-shana-saai say
Yak dam paak ker daalo
Meri hurmat meri tauqeer ban jaao
Meri tasweer ban jaao !