Kabhi ho jo yun kisi din ager
Kabhi tu jo sar-e-raah milay
Main hazaar lamhon ko kheench ker
Ye jo chalta waqt hai, BAANDH DOON !

Ye jo gerdishein hein zameen ki
Isi aik lamhay pay ruki rahein

Main taka karoon tujay jazab say
Yun hi piyaar say yunh i shoq say
Teri her adaa ko samait loon
Main hisaar-e-jaan mein sajaa rakhoon

Tu jo paas ho to main jee sakoon
Tu jo door ho, na jiya karoon !

Kabhi yun jo ho kisi din ager
Meray hum-safer tu jo na milay

Main hazaar dherkanon ko kheench ker
Ye jo chalta dil hai, BAANDH DOON !

Ye jo silsilay hein meri saans k
Teri doori mein hi haar doon

Tu jo paas ho to mein jee sakoon
Tu jo door ho, na jiya karoon !