Mujh pay kaisa khumaar hai tera
Chaaron jaanib hisaar hai tera

Bikher rahi hai jo roshni her-soo
Dhool hai yaa ghubaar hai tera

Lab pay her-dam sajaaye rakhta hoon
Ye tabassum qaraar hai tera

Kiun na meri ghazal haseen thehray
Meray hurfon mein piyaar hai tera

Rooh ka jaisay zindagi per hai
Dil pay yun ikhtiyaar hai tera

Jaisay aankhon ko ho ujaalay ka
Yun mujhay intayzaar hai tera

Chain dayta hai lay k bay-chaini
Bas yehi kaarobaar hai tera.