Hamayshah dil mein rehta hai kabhi goyaa nahi jaata
Jisay paaya nahi jaata, usay khoyaa nahi jaata

Kuch aisay zakham hein jin ko sab hi shaadaab rakhtay hein
Kuch aisay daagh hein jin ko kabhi dhoyaa nahi jaata

Ajab si goonj uthti hai dar-o-deewaar say her dam
Ye khuwaabon ka kharaaba hai, yahaan soyaa nahi jaata

Bohat hasnay ki aadat ka yehi anjaam hota hai
K hum rona bhi chaahein to kabhi royaa nahi jaata

Zara sochein ! ye duniya kis qadar bay-rung ho jaati
Ager aankhon mein koi khuwaab hi boyaa nahi jaata

Na-jaanay ab mohabbat per pari uftaad kya .....
K ehal-e-dil say dil ka boujh bhi dhoyaa nahi jaata.