MeraForum Community.No 1 Pakistani Forum Community - ~[ ‎ ‎مجھے خبر ہے کہ کیا ہے جدائیوں کا عزاب ]~

بچھڑ کے مجھ سے کبھی تو نے یہ بھی سوچا ھے
ادھورا چاند بھی کتنا اداس لگتا ھے

یہ ختم وصال کا لمحہ ہے را ئگاں نہ سمجھ
کہ اس کے بعد وہی دوریوں کا صحرا ہے

کچھ اور دیر نہ جھاڑنا اداسیوں کے شجر
کسے خبر کون تیرے سائے میں بیٹھا ہے

یہ رکھ رکھاؤ محبت سکھا گئی اس کو
وہ روٹھ کر بھی مجھے مسکرا کے ملتا ھے

میں کس طرح تجھے دیکھوں نظر جھجکتی ہے
یہ بدن ہے کہ آئینو ں کا دریا ہے

کچھ اس قدر بھی تو آساں نہیں ہے عشق تیرا
یہ زہر دل میں اتر کے ہی راس آتا ہے

میں تجھ کو پا کے بھی کھویا ھوا سا رھتا ھوں
کبھی کبھی تو مجھے تو نے ٹھیک سمجھا ھے

مجھے خبر ہے کہ کیا ہے جدائیوں کا عزاب
کہ میں نے شاخ سے گل سے بچھڑتے دیکھا ہے

میں مسکرا بھی پڑا ہوں تو کیوں خفا ہیں یہ لوگ
کہ پھول ٹوٹی ہو ئی قبر پر بھی کھلتا ہے

اسے گنوا کے میں زندہ ھوں اس طرح محسن
کہ جیسے تیز ھوا میں چراغ جلتا ھے