MeraForum Community.No 1 Pakistani Forum Community

Kia tota hai andar andar,keun chera kumlaya hai
tanha tanha rehnay waloun,kaun tumhain yaad aaya hai

chupkay chupkay sulag rahay thay yaad main unki dewanay
ek taray ne toot k yaroun,kia unko samjhaya hai?

rang barangi is mehfil main tum kyun itnay chup chup ho
bhool bhe jao pagal logoun,kia khoya kia paya hai

shair kahan hai khoon hai dil ka,jo lafzoun main bikhra hai
dil k zakhm dikha kar hum ne,mehfil ko garmaya hai

ab shehzad ye jhoot na bolo,wo itna bedard nahi
apni chahat ko bhe parkho,gar ilzaam lagaya hai...!!!