MeraForum Community.No 1 Pakistani Forum Community - اے عشق نبیﷺ میرے دل میں بھی سما جانا

اے عشق نبیﷺ میرے دل میں بھی سما جانا
مجھ کو بھی محمدﷺ کا دیوانہ بنا جانا

جو رنگ کہ رومی پر جامی پہ چڑھایا تھا
اس رنگ کی کچھ رنگت مجھ پہ بھی چڑھا جانا

قدرت کی نگاہیں بھی جس چہرے کو تکتی تھیں
اس چہرہ انوار کا دیدار کرا جانا

جس خواب میں ہو جائے دیدار نبیﷺ حاصل
اے عشق کبھی مجھ کو نیند ایسی سلا جانا

دیدار محمدﷺ کی حسرت تو رہے باقی
جز،اُسکے ہر اک حسرت اس دل سے مٹا جانا

دنیا سے ریاض ہو جب عقبٰی کی طرف جانا
داغ غم احمدﷺ سے سینے کو سجا جانا