MeraForum Community.No 1 Pakistani Forum Community - Sahil tamam ashk

Sahil tamam ashk_e nadamat sey att gaya
dariya sey koi shakhs tu piyasa palat gaya

lagta hay be-karaa.n mujhe sehra main aasmaa.n
pohancha jo bastiyoo.n main tu khanoo.n main batt gaya

ya itna sakht jaan k talwaar be-asar
ya itna narm k rag_e gull sey katt gaya

bahoo.n main aa saka na haweeli ka ik satoon
putli main aankh ki, sehra simat gaya

ab koun jay ko_e malamat ko chorr kar
qadmoo.n sey aa gey apna hi saya lipat gaya

gunbad ka kiya qasoor isey kiyu kahoo.n bura
aaya jidher sey teer, udher hi palat gaya

rakhta hay khud sey koun hareefana kashmakash
main tha k raat apney muqabil main datt gaya

jis ki amaa.n main hoon wohi ukta gaya na ho
bondain ye kiyu barasti hain, badal tu chatt gaya

wo lamha_e shaoor jisey jaa.n kani kahain
chehrey sey zindagi ki naqabain ulat gaya

thokar sey mera paoo.n tu zakhmi howa zoror
rastey main jo khara tha wo kohsaar hatt gaya

ik hashr sa bapa tha merey dill main ay Shakeb
kholee.n ko khirkiyaa.n tu zara shor ghatt gaya