Ankhon mein sama jatay ya dil mein utar jatay
Dono ka bhala hota dono he sanwar jatay

Miltay to yeh acha tha jeevan ki musafat mein
Kuch faslay kam hotay kuch roz guzar jatay

Doori bhi aas hay ik ghanimat to hay warna
Jo aas pay jeetay hein wo log bikhar jatay

Kuch roz judai k iss haal mein bhi guzray
Hanstay howay ro detay ,rotay howay ghar jatay


Manzil hay na thikana hay acha hay kuch bhi nahi
Ruktay to kahan ruktay ,jatay to kidhar jatay

Guzra hay yeh aalam bhi tanhai k jungle mein
Bay khof phira kartay phir aap he dar jatay

Bayganggi yeh kasii aay dost maza tab tha
Kuch log idar atay kuch log udar jatay

Aik saath raha karna phir us par guraiz "Aamir"
Maqsood thi doori to meelon say guzar jatay