MeraForum Community.No 1 Pakistani Forum Community

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - ~[Wafaa ke bhes mein]~ (http://www.MeraForum.Com/showthread.php?t=74829)

~[Wafaa ke bhes mein]~

Wafaa ke bhes mein koi raqeeb-e-shahir bhi hai
Hazar! ke shahir ke qaatil tabeeb-e-shahir bhi hai

Wahi sipaah-e-sitam Khemaazan hai chaarou'n taraf
Jo merey baKh't mein thaa ab naseeb-e-shahir bhi hai

Udhar ki aag idhar bhi pahu'nch na jaaye kahin
Hawaa bhi tez hai jangal qareeb-e-shahir bhi hai

Ab us ke hij'r mein rotey hain us ke ghaayal bhi
Khabar na thi ke wo zaalim habeeb-e-shahir bhi hai

Ye raaz naaraa-e-mansoor hi se hum pe Khulaa
Ke choob-e-mimbar-e-masjid saleeb-e-shahir bhi hai

Kharee hai jang ke ab ke muqaabiley pe "Faraz"
Ameer-e-shahir bhi hai aur khateeb-e-shahir bhi hai....**

Re: ~[Wafaa ke bhes mein]~

Thanks Shayan,Miss Habib n flower..