MeraForum Community.No 1 Pakistani Forum Community

پھولوں کو

جہاں پھولوں کو کھلنا تھا وہیں کھلتے تو اچھا تھا
تمہی کو ہم نے چاہا تھا تمہی ملتے تو اچھا تھا

تمہیں تو دکھ ہی ملنا تھے ، تمہی نے صبر کھینچا تھا
تمہارے لب کسی لمحے اگر ہلتے تو اچھا تھا

بڑی مشکل تھی دشمن بھی مری خاطر وہاں پہنچے
بَلا سے زخم بڑھ جاتے نہ یوں سلتے تو اچھا تھا

کٹی ہے سعد کی تم بن مگر اتنی سی ہے دل میں
اگر آتے تو اچھا تھا ، اگر ملتے تو اچھا تھا