خواب بھی ايک مسافر کی طرح ہوتے ہيں
چشم در چشم سدا ان کو سفر ميں رہنا
رنگ کی موج ميں خوشبو کے اثر ميں رہنا

ان کی عادت ہی نہيں
ايک جگہ پر رکنا
ان کی قسمت ہی نہيں
ايک نگر ميں رہنا

ہم بھی ايک خواب ہيں اے جان تری آنکھوں ميں
چند لمحوں کو جو ٹہريں تو ہميں
اپنی پلکوں کی اماں ميں رکھنا
سايہ ابر تو جہ کے گماں ميں رکھنا

دھيان کے طاق سے ہم کو نہ ہٹانا جب تک
رات کے بام پہ تاروں کے دئے جلتے ہيں
ديکھنا ہم کو ہميں ديکھتے جانا جب تک
ہم تیری آنکھ کی وادی ميں سفر کرتے ہيں

خواب کا شوق یہی خواب کي قسمت بھی یہی
حلقہ ريگ رواں گرد سفر ميں رہنا
رنگ کی موج ميں خوشبو کے اثر ميں رہنا

ہم مگر خواب ميں کچھ اور طرح کے ہم کو
نہ کوئی شوقی سفر ہے نہ تلاش خوشبو
تیری آنکھوں ميں جليں اور انہيں ميں بجھ جائيں
چشم در چشم نہيں ہم کو سفر ميں رہنا
ہم کو ہے تيری نظر ميں رہنا