Ghazal
 

Wafa ke qaid khano mein sazayein kab badalti hain
Badalta dil ka mosam hai hawayein kab badalti hain

Libada oarh ke gham ka nikal jate hain sehra ko
Jawab aaye ke na aaye sadayein kab badalti hain

Saron pe dhoop hai ghum ki dilon mein wahshatein kitni
Hamare dil ke sehra ki fizayein kab badalti hain

Meri sari duayein tumse hi mansoob hain jana
Mohabbat ho agar sachi duayein kab badalti hain

Koi pa kar nibhata hai koi kho kar nibhata hai
Naye andaaz hote hain wafayein kab badalti hain

wooooo\w

shukriya dast-e-tanhai

Nice..

shukriya ruby

thanks