MeraForum Community.No 1 Pakistani Forum Community - !~!~!~! ہم نہیں ہوں گے !~!~!~!

MeraForum Community.No 1 Pakistani Forum Community (http://www.MeraForum.Com/index.php)

- Urdu Writing Poetry (http://www.MeraForum.Com/forumdisplay.php?f=133)

- - !~!~!~! ہم نہیں ہوں گے !~!~!~! (http://www.MeraForum.Com/showthread.php?t=69360)

!~!~!~! ہم نہیں ہوں گے !~!~!~!

http://www.foto.pk/images/twohanomo.jpg

چراغِ زندگی ہو گا فروزاں ہم نہیں ہوں گے
چمن میں آئے گی فصل بہاراں ہم نہیں ہوں گے

جوانوں اب تمہارے ہاتھ میں تقدیر عالم ہے
تمہیں ہوگے فروغ بزم امکاں ہم نہیں ہوں گے

جئیں گے جو وہ دیکھیں گے بہاریں زلف جاناں کی
سنوارے جائیں گے گیسوئے دوراں ہم نہیں ہوں گے

ہمارے ڈوبنے کے بعد اُبھریں گے نئے تارے
جبیں دھڑ پر چھٹکے گی افشاں ہم نہیں ہوں گے

نہ تھا اپنی ہی قسمت میں طلوع مہر کا جلوہ
سحر ہو جائے گی شامِ غریباں ہم نہیں ہوں گے

ھمارے دور میں ڈالیں خرد نے اُلجھنیں لاکھوں
جنوں کی مشکل جب ہوں گی آساں ہم نہیں ہوں گے

کہیں ہم کو دکھا دو ایک کرن ہی ٹمٹماتی سی
کہ جس دن جگمگائے گا شبستاں ہم نہیں ہوں گے

ہمارے بعد ہی خونِ شہیداں رنگ لائے گا
یہی سرخی بنے گی زیب عنواں ہم نہیں ہوں گے