MeraForum Community.No 1 Pakistani Forum Community - Ab kaun se mausam se koii aas lagaye ~ Parveen Shakir

MeraForum Community.No 1 Pakistani Forum Community (http://www.MeraForum.Com/index.php)

- Great Urdu Poets&Poetry (http://www.MeraForum.Com/forumdisplay.php?f=76)

- - Ab kaun se mausam se koii aas lagaye ~ Parveen Shakir (http://www.MeraForum.Com/showthread.php?t=69086)

Ab kaun se mausam se koii aas lagaye ~ Parveen Shakir

Ab kaun se mausam se koii aas lagaye

ab kaun se mausam se koii aas lagaaye
barsaat men bhi yaad nahi jab un ko ham aaye

mittii ki mahak saans ki Khushbuu men utar kar
bhigay hue sabzay ki taraaii men bulaaye

dariya ki tarah mauj men aayii huii barkhaa
zardaaii huii rut ko haraa rang pilaaye

bundon ki ChhamaaChham se badan kaanp rahaa hai
aur mast havaa raqs ki lay tez kiye jaaye

shaakhen hain to woh raqs men, patte hain to woh ram men
paani ka nashah hai k, darakhton ko charhaa jaaye

har lahar ke paavon se lipatne lagay ghungharuu
baarish ki haseen taal peh paazeb jo Chhankaaye

anguur ki belon peh utar aaye sitaare
rukti huii baarish ne bhi kyaa rang dikhaaye

Parveen Shakir

Re: Ab kaun se mausam se koii aas lagaye ~ Parveen Shakir

bohat KhOoB Aslam Bro .. :)

Re: Ab kaun se mausam se koii aas lagaye ~ Parveen Shakir