MeraForum Community.No 1 Pakistani Forum Community - Woi Shareek-e- Safar Mera,Jo Mera Shareek-e- Safar Nhi

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - Woi Shareek-e- Safar Mera,Jo Mera Shareek-e- Safar Nhi (http://www.MeraForum.Com/showthread.php?t=68503)

Woi Shareek-e- Safar Mera,Jo Mera Shareek-e- Safar Nhi

http://cdnimg.visualizeus.com/thumbs...14bcd161_h.jpg

Jise Naaz Sheesha-e-Dil Pe HaI, Usse Shayad Iss Ki Khabar Nahi
Ke Ye Patharo'n Ka Dayaar HaI, Yaha'n Koi Aaina'Gar Nahi

Wo Musafir-e-Shab-e-Zeest Hu'N, K Kisi Ki Mujh Pe Nazar Nahi
Mere Raaste Ki Sahar To Hai, Mere Raaste Mein Sahar Nahi

Mere Sath Sath Rava'n To Hai, Koi Saya Sa Kisi Yaad Ka
Hai Wohi Shareek-e- Safar Mera, Jo Mera Shareek-e-Safar Nahi

Gham-e-Dil Tera Gham-e-Dil SahI, Issey Kar Tu Nazar-e-Gham-e-Jaha'n
Wo Charaagh Koi Charaagh HaI, Jo Charaagh-e-Raah-e-Guzar Nahi

Ye Sham-e-Ishq Ki Be Dili, Ye Hayat-e-Fan Ki Udasiya'n
Mere Shehr-e-Gham Mein Hai Kon Si, Wo Gali Jo Khaak Basar Nahi

Main Kisi Ke Husn Ki Dilkashi , Jo Bayaa'n Karo'n To Bhi Kis Tarah
Ke Nazar Ke Paas Zabaa'n Nahi, To Zabaa'n Ke Paas Nazar Nahi

Ye Dayaar-e-Ghaflat-e-Shauq HaI, Na Hamare Saath Chale Koi
K Guzar Rahe Hain Waha'n Se HuM, Jaha'n Khud Hamara Guzar Nahi

Na Hi Ghuncha-e-Dil Khila, Na Mili Hayaat Ko Roshani
Ye Sehar To Aur Kisi Ki HaI, Ye Sehar Hamari Sehar Nahi

Re: Woi Shareek-e- Safar Mera,Jo Mera Shareek-e- Safar Nhi

wow zabardst wording he
zabrdst sharing

Re: Woi Shareek-e- Safar Mera,Jo Mera Shareek-e- Safar Nhi