MeraForum Community.No 1 Pakistani Forum Community

سانپ ہی سانپ نظر آتے ہیں خوابوں میں مجھے
زندگی گھیرنے والی ہے عذابوں میں مجھے

ایک تصویر تھی اور وہ بھی کہیں گم کر دی
عمر بھر ڈھونڈنا اب اپنی کتابوں میں مجھے

جب سے اترا ہے ترے درد کا نشہ مجھ میں
لطف آتا نہیں دنیا کی شرابوں میں مجھے

وہ مجھے چھوڑ گیا تھا کسی رنگینی میں
وہ جو اب ڈھونڈتا رہتا ہے خرابوں میں مجھے

تم نے اک عمر کیا ہے نظر انداز وصی
اور اب ڈھونڈتے پھرتے ہو سرابوں میں مجھے

ضرب و تقسیم وصی عشق میں لاحاصل ہے
جانے کیوں کھوجتے رہتے ہو حسابوں میں مجھے