MeraForum Community.No 1 Pakistani Forum Community

MeraForum Community.No 1 Pakistani Forum Community (http://www.MeraForum.Com/index.php)

- Urdu Writing Poetry (http://www.MeraForum.Com/forumdisplay.php?f=133)

- - dhuaaN banaake fizaa men (http://www.MeraForum.Com/showthread.php?t=68436)

dhuaaN banaake fizaa men

dhuaaN banaake fizaa men uDaa diyaa mujhako
main jal rahaa thaa kisii ne bujhaa diyaa mujhako
taraqqiyon kaa fasaanaa sunaa diyaa mujhako
abhii haNsaa bhii na thaa aur rulaa diyaa mujhako
main ek zarraa bula.ndii ko chhuune nikalaa thaa
havaa ne tham ke zamiin par giraa diyaa mujhako
safed saang kii chaadar lapeT kar mujh par
fasiil-e-shahar pe kisane sajaa diyaa mujhako
khaDaa huuN aaj bhii roTii ke chaar harf liye
savaal ye hai kitaabon ne kyaa diyaa mujahko
na jaane kaun saa jazbaa thaa jisane Khud hii "Nazeer"
merii hii zaat kaa dushman banaa diyaa mujhako

Re: dhuaaN banaake fizaa men