Shaairi hosh mein jab hoon to maza dayti hai
Werna ye khoon-e-jigar tak ko jalaa dayti hai

Tera wo piyaar say kehna k chalay aao idher
Aaj bhi mujh ko wo sirgoushi hansa dayti hai

Mujh ko her roz hi milnay ki tasalli day ker
Apni her baat ko wo khud hi bhula dayti hai

Wo meri zaat ka hissa hai judaa kaisay karoon
Teri ye baat mujhay roz rulaa dayti hai

ShihaaB wo chair k sab saaz puraanay waalay
Meray bujhtay huway zakhmon ko hawa dayti hai.