-:||:- A Sitaara-e-shaB-e-zindagI -:||:-

Wohi shaam kuhar si shaam phir
Teray naam ho to ghazal kahein
Wohi shaam jis ki ragon mein thay
Teri khuwaab aankhon k ratjagay
Wohi subha dhoop ki laadli
Teray aarizon pay khilay to phir
Rug-e-jaan say nazm kasheed ho
Wohi saa'aton ka juloos ho
Wohi rung ho, wohi roshni
Wohi khushboo'on ka hujoom ho
Wohi aik pall teri deed ka
Jo milay to ashk damak utthein
Jo bujhay hein daagh chamak utthein
Wohi aik pall teri deed ka
Jo milay to derd ki oat mein
Sab hi qehqahay say chalak parein
Sir-e-loh-e-shaam-e-firaaq phir
Ghum-e-ishq mouj-e-naveed ho

A sitaara-e-shab-e-zindagi
Idher aa k jashan ho motaber
Nazer aa k dhang say EID ho

-:||:- Is Eid Pay Lout K Aa Jaana -:||:-

Is eid pay lout k aa jaana
Kuch yaadein taaza kerni hein
Kuch lamhay mour k laanay hein
Kuch taaray tor k laanay hein
Jis mein hum tum aik hi thay
Wohi jazbay mour k laanay hai

Is eid pay lout k aa jaana
Ab dil ko dil ki dherkan say
Eid mubaarak kehna hai
Ab saath hamayshah rehna hai
Is eid pay lout k aa jaana
Is eid pay lout k aa jaana.

-:||:- Bahaar-e-eiD -:||:-

Aisi hazaar eidein mubaarak hon aap ko
So saal tak isi terhan dekhein bahaar-e-eid

-:||:- Shaam-e-eiD -:||:-

A hum-nasheen bahisht ba-daaman hai shaam-e-eid
Aa hum bhi dil k daagh jalaayein ba-naam-e-eid

Dekh tu chaand raat aai hai
Saath sadmay hazaar laai hai

Chaand bhi hai ye chandd lamhon ka
Jaisay tu nay jhalak dikhaai hai

Hum nay qismat ajab hi paai hai
Eid ka din hai or judaai hai

Tu chala aa bas aik lamhay ko
Main bhi maanoon k eid aai hai

Keh rahi hai ye hawa mujh say ShihaaB
Us nay mehandi abhi lagaai hai.

Eid-e-saeed hai ya phir sadmaat k lamhaat
Tum hi bataao jaan-e-jaan hein kya ye kharabaat