MeraForum Community.No 1 Pakistani Forum Community

یہی بہت ہے کہ دل اس کو ڈھونڈ لایا ہے
کسی کے ساتھ سہی وہ نظر تو آیا ہے

کروں شکائیتیں، تکتا رہوں کہ پیار کروں
گئی بہار کی صورت وہ لوٹ آیا ہے

وہ سامنے تھا مگر یہ یقیں نہ آتا تھا
وہ آپ ہے کہ میری خواہشوں کا سایہ ہے

عذاب دھوپ کے کیسے ہیں بارشیں کیا ہیں
فصیل جسم گری جب تو ہوش آیا ہے

میں کیا کروں گا اگر وہ نہ مل سکا امجد
ابھی ابھی میرے دل میں خیال آیا ہے