MeraForum Community.No 1 Pakistani Forum Community - ہو سکے تو تم میری ہر خطا بھلا دینا

پار جب اترنا تم کشتیاں جلا دینا
واپسی کے رستوں کے سب نشاں مٹا دینا
کارگاہِ مستی میں حد سے تم گزر جانا
راہِ عشق میں اپنی ذات کو مٹا دینا
زندگی میں سیکھا ہے ایک ہی سبق ہم نے
ہر ستم کے بدلے میں ہنس کے بس دعا دینا
درد و غم ملیں جو بھی ان کو اشک کی صورت
چھپ کے ایک کونے میں آنکھ سے بہا دینا
شعر کوئی کہنا تو وہ الگ ہی کہنا تم
ایک ایک مصرعے کو رنگ تم جدا دینا
چاہتوں کو میرے تم ہر قدم پہ رکھنا یاد
ہو سکے تو تم میری ہر خطا بھلا دینا
ہم وفا شعاروں کا ہے یہ شیوہ عاکف جی
جو کرے جفا ہم پر اس کو بھی وفا دینا