MeraForum Community.No 1 Pakistani Forum Community - Mere Khwabon ke jharokon ko sajane wali

MeraForum Community.No 1 Pakistani Forum Community (http://www.MeraForum.Com/index.php)

- Great Urdu Poets&Poetry (http://www.MeraForum.Com/forumdisplay.php?f=76)

- - Mere Khwabon ke jharokon ko sajane wali (http://www.MeraForum.Com/showthread.php?t=61893)

Mere Khwabon ke jharokon ko sajane wali

Mere Khwabon ke jharokon ko sajane wali
tere Khwabon may kahin mera guzar hai ki nahi
puchakar apani nigahon se batade mujhako
meri raton ki muqaddar may sahar hai ki nahi

Char din ki ye rafaqat jo rafaqat bhi nahi
umr bhar ke liye azar hui jati hai
zindagi yun to hamesha se pareshan si thi
ab to har sans giranbar hui jati hai

Meri ujari hui nindon ke shabistanon may
tu kisi Khwab ke paikar ki tarah ai hai
kabhi apani si kabhi Gair nazar ati hai
kabhi ikhalas ki murat kabhi harajai hai

Pyar par bas to nahi haimera lekin phir bhi
tu bata de ki tujhe pyar karun ya na karun
tune Khud apane tabassum se jagaya hai jinhen
un tamannaon ka izahar karun ya na karun

Tu kisi aur ke daman ki kali hai lekin
meri raten teri Khushbu se basi rahati hain
tu kahin bhi ho tere phul se ariz ki qasam
teri palaken meri ankhon pe jhuki rahti hain

Sahir Ludhianvi

Re: Mere Khwabon ke jharokon ko sajane wali

meri darmanda jawani ki tamannaoo'n k
muzmahil Khuwab ki tabeer bata dai mujh ko
taire daman mai gulistan bhi hain veeraney bhi
maira hasil mairi taqdeer bata dai mujh ko

bht khobsorat ROSE... superb
ye last qita mujhe bht pasand hai

Re: Mere Khwabon ke jharokon ko sajane wali