MeraForum Community.No 1 Pakistani Forum Community

MeraForum Community.No 1 Pakistani Forum Community (http://www.MeraForum.Com/index.php)
-   Miscellaneous/Mix Poetry (http://www.MeraForum.Com/forumdisplay.php?f=129)
-   -   Aaj Ki Aurat Hon Main.. (http://www.MeraForum.Com/showthread.php?t=61701)

Nida-H 07-01-2011 03:01 PM

Aaj Ki Aurat Hon Main..
 
Aaj Ki Aurat Hoon Mai !!!
Dehleez par khari hoon mai,
ek paoon bahir hai,
Doosra andar hi hai.


Ek paoon bahir hai,
Khuwab se saja howa,
Doosra andar kahin,
Azab se jura howa,
Peeche mur kar dekhne ka,
Hosla nahi hai ab,
Aage khar-zaar hai,
Dil bhi taar taar hai,
Aur ana ka saath hai,
Ke Aaj Ki Aurat Hoon Mai !!!


Ek Haath par sooraj hai,
Doosre par chand hai,
Aur kandhon par dhara,
Yeh sakht aur be-meher,
Zameen ka sayara hai,
Be-karaan kinara hai,
Dard be-hisaab hai,
Zakhm be-naqaab hai,
Aur ana ka saath hai,
Aagahi ka azab hai.

Kese kahoon ke kis qadar,
Yeh aagahi azab hai,
Be-shumar sadiyon ka,
Shayad yahi nisaab hai,
Jabar mai dhala howa,
Sabar se dhula howa,
Khud-shanaas lamhoon ka,
Be-aman khiraaj hai,
kirchiyon ki baat hai,
Ek Akeli zaat hai,
Sab jama tafreeq ki,
Ek si taqseem hai,
Baqi sab bahana hai,
Zindagi bitana hai,
Peeche bawarchi-khana hai,
Saamne zamana hai,
Dehleez par khari hoon mai,
Aaj Ki Aurat Hoon Mai !!!

Zafina 07-01-2011 03:21 PM

Re: Aaj Ki Aurat Hon Main..
 
Very Thoughtful .. Isi liye tu Kamana Mard ka aur khana Aurat ka kaam hay :fish: ..Lakin west nai humri aurto ku bhi bigar deya hay :@

AFghani_Laila 07-01-2011 03:34 PM

Re: Aaj Ki Aurat Hon Main..
 
Wahhhhhhhh Zabardastt SIs Bohut Hi Achi Hai Aur Such Real Poetryyyyyyyyy

SHAYAN 07-01-2011 09:31 PM

Re: Aaj Ki Aurat Hon Main..
 
NiCe..

life 07-02-2011 03:25 AM

Re: Aaj Ki Aurat Hon Main..
 
nice sharing...

Charlie 07-05-2011 02:38 PM

Re: Aaj Ki Aurat Hon Main..
 
jo muje samaj ayya us hisaab se yeh west ka asar nahi hei albata baron ke bina sochay samjay feslay hein jo k baad main isi tera namudaar hotay hein.......... but its nice sharing

Nida-H 07-05-2011 06:23 PM

Re: Aaj Ki Aurat Hon Main..
 
Shukeriya..

Haadi 08-13-2011 08:22 AM

Re: Aaj Ki Aurat Hon Main..
 
very nice shona

Nida-H 08-13-2011 12:38 PM

Re: Aaj Ki Aurat Hon Main..
 
Shukeriya shonay..

Haadi 08-13-2011 07:15 PM

Re: Aaj Ki Aurat Hon Main..
 
ma pleasure shona :)


All times are GMT +5. The time now is 03:25 AM.

Powered by vBulletin®
Copyright ©2000 - 2025, Jelsoft Enterprises Ltd.